dreams isa will be achieed to improve our career

يا ريت كل واحد يبدا يكتب مشكله من مشاكلنا الكتير الاساسيه وممكن يكتب اقتراحات لحلها اكتب احلامك للعلاج الطبيعي
انا هقدم اول مشاركه
من احد مشاكلنا ان كل واحد فينامش فاهم فرضيه التعلم المستمر

الفرضيه ده
اتفرضت لان وجب عليك انك تقدم خدمه ممتازه للمريض الكلام الرسول صلي عليه وسلم هو اللي قاله اسمع "اذا عمل احدكم عملا فليتقنه"طب هتتقنه ازاي وانتو كلكو عارفين الحال اللي بنتخرج بيه ولا شك انك كل ما قرأت وذاكرت هتتقن شغلك احسن

وكل ما تروح عياده تلاقي الدكتور يقول"خلي بالك اللي انت شوفتو في الكليه حاجه وشغل السوق حاجه تانيي"وكلام ما يصح يتقال منهم بيقولو عشان هو مايعرف الصح ايه وفي عارف وبيكسل او مش فاضي وكلها حجج والسلام انت دورك كبير انت تتعلم العلم وتعلمه ولازم تتغير وتغير اسمع;من رآي منكم منكرا فلغيره ....;وكمان ربنا قال:كانوا لا يتناهون عن منكر فعلوه "دول بني اسرائيل الموضوع طلع كبير
1‏_طلب علم (كفايه فتي)
2‏_امر بمعروف ونهي عن منكر(لازم هنغير حط ده بس من اولوياتك)

كله يخش يتفرج ويخرج ياريت محدش يعرض مشكله ولا حل لأي مشكله عشان المشاكل خلصت ومش غارقنين فيها الحمد لله

مشكله اخري
اطباء كتير حطهم في التصنيف ده
‏1_لا يعرف اه دور العلاج الطبيعي اصلا وأهميته للمريض(لو العيان هو اللي قاله يرد الدكتور ع.ط ايه وفر فلوسك
‏"الكلام مش هتصدقوا انه طلع من بق داكتره استشاريين مش دكاتره صغييريين)
2‏_يعرف بعض اشياء عن ال_ع.ط لكن يقول للعيان ده حجات بسيطه اعمل كذه وكذه في البيت لوحدك(ده برده مايعرفش حاجه )
3‏_ده دكتورعارف اهميه العلاج الطبيعي بس عن اقتناع ان القائمين عليه لا يفقهوا شئ
4‏_دكتور عامل علاقات مع داكتره ع.ط يعرف انهم كويسين
مشكلتنا مع 1+2+3
سبب المشكله ده ايه !!!!

السلام عليكم.......طبعا انا مقدره يا دكتور اهتمامك وحبيت اسجل مشاركتي علشان متحسش انك لوحدك
بس زي ما انت قولت الحل ايه
؟؟؟؟؟؟؟؟؟؟؟؟؟؟؟



اسال الله العلي القدير ان يرزقني واياكم وجميع احبتي الاخلاص

مشكورين علي المشاركه لكن ارجو المشاركه بعرض مشكله او حل مشكله انا المشكله كان ممكن اعرض افكار لحلها لكن اردت ان اعطي فرصه للشعب عشان دماغه تشتغل ومش هقول ذي ما قال سعد

السلام عليكم
ايه الصحرا دي؟!!!!!!!!!!!
ده اسم الموضوع لوحده يخلينا منبطلش كلام
بس فعلا افضل اننا نقول المشكله ونقول حل واقعي ملموش عشان مش نقعد نرغي ع الفاضي
انا في مشكله بشوفها كتير جدا وبتجيبلي جلطه بصراحه يعنى
تلاقي واحد كده زى لافل ومعاك في الكليه ويتكلم سواء قدام زمايله او قدام الناس ويقلك ياعم احنا بنعمل ايه غير تنس ومساج ولمبه حمرا
الكلام ده يفقع لو قاله قدامنا احنا امال بقي لما يقولوا قدام الغرب (اللي هما الدكاتره وكده)
انا بجد حصل الموقف ده كتير قدامى وكنت ببقي عاوزه امسك اللي بيتكلم ده اضربه في الحيط حتى مره دكتور بشري كان واقف سال الاخ الفصيح ده وانت مستمر في الكليه دي ليه ؟ومتوقع اصلا تبقي محترم ازاى وانت نفسك مش محترم نفسك
كان الرد الجميل المدهش
اهو بالطو والسلام
والله يارجاله احنا الجزار بتاعنا لابس بالطو والحلا قبتاع والدي عنده واحد طبق الاصل
يبقي اول مشكله
عدم احترام المهنه من اهلها اصلا
الحلللللللللللللللللللللللللللل
انك يااما تتكلم بالخير ياتصمت مافيش حل تانى فاما
انت مقتنع فتدافع
يالا مش مقتنع تحاول تقتنع
يااما مش هتقتنع فاسكت ياسيدي وماتزمش لانك غالبا اصلا مش فاهم
ورحم الله امرء عرف قدر نفسه

السلام عليكم تانى
معلش مشكله كمان برضه شفتها كتير بالذات في القصر العينى
تبقي واقف كده في امانة الله ويجي شخص لظيظ زريف يحصل موقف ما وتتكلموا فيقلك والداكتور في كلية ايه ؟فترد بكل فخر علاج طبيعي(بكل فخر ها......)
فيقلك بتوع المساج وكده
وااله في ناس كتير جدا في بشري دي كل فكرتهم عننا
انا نفسي تعرضت للموقف ده الاسبوع اللي فات
تقوم انت تاخدك الكرامه ولالالالالالالالالالالالالا
ابدا
مشاش مين يابو مشاش
ده انا دكتووووووووووووووووووووووور
ده انا 5سنين
لا والله 6
واحتمال الراجل الغلبان يضرب
او ع الاقل هيتهزء
وفي واحده صاحبتى والله راحت ضربت البنيه بتاعت المشاش دي حتة نظره احتقار وقامت ماشيه
ياجماعه ليس علي الجاهل حرج اصلا مانص مصر فاهمه كده فعلا
يبقي المشكله
هي تعرضنا لجهل من الاطباء اللي بنحتك بيهم نفسهم
الحل
النقاش الهادئ البعد عن العصبيه تماما
بجد واله البنت لما بس قعدت اتكلمت معاها كلمتيت اقلتلي ياااااااااااه ده انتم جامدين قوى
وطلبت منى فعلا اعلمها حبة حاجات
(طبعا رفضت عشان ده سر المهنه
وشكرا جزيلا
وجزاكم الله كل خير

بصراحه اسلوبك في سرد المواقف يا دكتوره ايه جميل
بيوصلني احساسك فعلا



اسال الله العلي القدير ان يرزقني واياكم وجميع احبتي حياة طيبه

عاوزين نعمل توعيه للأطباء بالعلاج الطبيعي
بمعني ممكن يكون مكتوب عندهم في الكتب علاج طبيعي في حالات كذه وكذه
لكن مفهومهم ان الحالات ده مش هتتحسن أو تتحسن بسيط
(مثال علي كده أحد الأصدقاء في طب عين شمس بيقولي ان حالات الشلل الدماغي في الاطفال بتجلهم في الدمرداش
طب بتروحلكو ليه قال بنعملهم شويه ثني مد ومنها بنشوف الحالات ده وبنتعلم عليها وكده كده الحالات ده ما بتتحسنش )سمعتوا قال ايه ان الحالات ده كده كده ما بتتحسنش الكلام ده هو المفهوم في دماغه ودايما الكلام اللي الواحد بيتعلمه في الأول صعب تغيره لما يكون ده هو اللي وصل لمفهوم طالب بيدرس في كليه طب
الكلام ده لازم يتغير
يتبع___

احنا كل ده بندور في اصل المشكله فين
معني الحدوته اللي فاتت ان هتلاقي ان اصل الكلام عند الداكاتره اللي درسوله يقولهم الحاله ده ليها علاج طبيعي بس غالبامش هتتحسن
طب ليه المفهوم ده وصله!
يتبع___